هل سمعت عن وادي الخالدين؟

مغالطات تاريخية ترسخت في ذاكرة المصريين وبفعل بفاعل لتشوية حقبة تاريخية مهمة من 

تاريخ مصر.. 

محمد على و اسرته ما كانوش بيتكلموا تركى و لا عربى مكسر و لا بيقولو حظرتونا و لا افنظم، لأن باختصار ده شغل سينما بعد انتهاء الملكية في مصر.. ١٩٥٢

الوالى محمد سعيد باشا ما كانش عبيط و ديليسبس ضحك عليه بطبق مكرونة و خد قناة السويس، كان مشروع معروض من زمان ومؤجل الي ان قرر الخديوي سعيد استكمالة.. 

ده كان حاكم عظيم اول من جعل المصريين ظباط فى الجيش و عمل المشروع اللى مصر عايشة فى خيره لحد النهاردة مشروع قناة_السويس و طبعا ما كانش اسمه الخديوى سعيد لان قبل الخديوى اسماعيل ماكانش فيه لقب خديوى

الخديوى اسماعيل ما كانش مفرغ حياته للنسوان ( سرايا_عابدين ) و لا كان بيريل على المظ و عايز ياخدها من عبده الحامولى و عبده الحامولى عمل ثورة عليه ( فيلم المظ و عبد الحامولى ) لان عبده الحامولى كان من حاشية الخديوى اسماعيل و كان مقرب منه جدا لدرجة ان بعد عزل الخديوى اسماعيل اعتزل عبد الحامولى الغناء و انسحب من حاشية الخديوى توفيق وفاء للخديوى اسماعيل، وليس مثل ما نقلت السينما لنا.. 😉 

الخديوى توفيق ما قالش لاحمد عرابى انتم عبيد احساناتنا و لا احمد عرابى كلمه من فوق الحصان و الخديوى واقف على الارض زى ما بيجيبوا فى الصورة العبيطة المرسومة للواقعة دى و الواقعة دى كلها ما اتقالتش الا فى مذكرات احمد عرابى انما كل اللى حضروا الواقعة دى ماقالوش ان ده حصل و غير طبعا انها واقعة مش منطقية أصلا، وعند مراجعة المصادر الموضوعي والمراجع فإن عرابي استعان بالانجليز للثورة 😉

 الخديوى عباس حلمى الثانى ما حكمش مصر ساعتين و بعدين شالوه 😊 برضو يا صاحبي شغل سينما لصالح المستمر الانجليزي

ده حكم مصر 22 سنة و كانت كلها انجازات بس لان الانجليز عزلوه و الشعب كان بيعشقه فمش هايعرفوا يشوهوه فقرروا انهم ما يجيبوش سيرته خالص و ممكن تراجعوا صفحة التاريخ بالصور،

 الملك فؤاد ما كانش شحات و مديون و خامورجى و الهبل ده و لا كان حاكم طرطور الانجليز بيحركوه

لانه كان عنده قصور و اراضى و كان مسئول ملف التعليم فى عهد عباس حلمى الثانى و المشرف العام على الجامعة المصرية فى عهد السلطان حسين و كان حاكم عظيم سدد كل ديون مصر و بنى الجيش المصرى باحدث الاسلحة و توسع فى التعليم اللى هو لعبته و عمل قفزة اقتصادية و فى عهده كانت القاهرة اجمل مدينة فى العالم تابعوا مركز كنوز لحماية التراث الثقافى و اتفرج على مصر فى عهده، وأسس جامعة القاهرة و دعم البعثات التعليمية في الخارج.

مفيش حاجة اسمها الاسلحة الفاسدة ل

ان الموضوع بشهادة سعد الدين الشاذلى كانت اسلحة حديثة و متطورة و لم يدرب عليها الجيش المصرى و دى كانت القضية و المحاكمات اللى عليها لانهم ما دربوش الظباط و الجنود على الاسلحة مش لانها بايظة و لا بتضرب لورا زى ما جابوا فى الأفلام...

إذا لقت هذه الفقرة اعجابكم ممكن ان نستكمل من حيث توقفنا.. 

يتبع...